佢好變態,我根本埋唔到佢個身 如果有興趣,請加我msn,我有好多問題要問!

置頂帖有金獅攻略...

先歡迎樓主來到KYO MONSTER HUNTER區

有關問題將會稍後回答

先問樓主

請問你用什麼武器,用什麼裝備?

我記得水樓第864頁我教過點打金獅子

引用:

原帖由 隱姓埋名 於 2008-8-4 01:04 PM 發表
我記得水樓第864頁我教過點打金獅子

這個也記得..

不太肯定-,-..
只系大概記得罷了

引用:

原帖由 隱姓埋名 於 2008-8-4 01:06 PM 發表
不太肯定-,-..
只系大概記得罷了

小文最近愛上運吉

岩岩好辛苦幫樓主系水樓禁禁禁禁禁..
原來唔系864頁
系891頁先岩= =..

文字.. ok..
先講大劍啦
不過其實岩岩都講左一大部份
就再講多次吧..
一開波系佢個頭左約90~100度儲三段
如無意外應該可以岩岩好3段 (限g金獅裝 , 因有集中 . 好耐無用過g金獅裝以外既裝打金獅..不過你都應該起碼儲到 2段 , 另外 , 呢個儲三段只限於雙金獅既打法..
因為往後既火山 雪山 舊火山 金獅..   一系就一早發現你.. 一系就見唔到黎系度周圍下.. 所以無機會儲三段的 .
通常斬完三段佢會跳走 , 不過唔會扣好多血..
只是普通的跳躍罷了..
先講番金獅既攻擊模式(講夠主要的)
1 . 放電球/光線
出呢招既時候永遠都系最好既攻擊時機
夠膽既可以右45度/左45度打佢頭.. (我慣開右45)
不過唔小心中左佢招電球/光線我就真系無能為力了..
扣到你死死下- -
而且亦都會白白冇左個攻擊機會
因為被電球/光線攻擊後會吹飛 (電球唔肯定 , 好似到依家都冇乜點中過..推測罷了)
想安全點的話可以系身度開三段..
不過都要睇時間..
夠時間當然儲三段..
但系唔夠三段..
最好都系兩段落刀..
貪字得個貧..
我試過佢放完電球/光線之後就跳走左..
三段就白白落空了
2.六合拳 (即向前面揮拳..)
攻擊判定只於其正前面..
肚等位置沒有攻擊判定
基本上沒有時間可以打佢..
只好等佢出完呢招斬一下..
建議唔好儲三段..
因為呢招我都見佢成日出完跳走-.-...
又系果句..
除非你趕時間
唔系都唔好儲= =
仲有一點注意的
佢出完六合拳之後會震一震..
可以跟住佢既時間唔好禁近..
唔系就會食震..
少左一個攻擊機會事少
比人打番轉頭事大囧..
金身後尤其注意..
有時使用完六合拳會立即後跳..
而且都相當痛的..
要注意這點..
不過打得多就可以估計到..
3. z字跳
出呢招通常唔會打佢...
因為跳得太快了..-.-
還有一點要注意
佢z字跳既第一個攻擊判定會系佢既左邊(即屏幕右邊)
所以打佢既時候要注意一點..
要順時針繞圈行..
睇下佢出咩招再作判斷
因為呢招都系好痛..(正確d黎講..中親金獅d招都超痛-.-...)
如果系距離遠果陣佢出呢招..
怕中招就往外撲吧..
比較安全..
不過有7-8成出完呢招會後跳..
要小心d..
呢招方面暫時應該冇乜野要注意了
4.跳走向下放電波
此招攻擊頗大..
懷疑專為貪刀人士而設(!?)
電球只放於其正前面..
跳起時..
電球不會波及肚底下的玩家..
大劍既攻擊就系系佢跌落黎彈番起身果下
向佢角打去吧..
不過佢通常出呢招果陣都系你岩岩打完佢個頭無耐先會出..
收唔切就碌/擋吧..
應該不成問題..
5.肉彈戰車(金身後先會有)
無乜威脅既一招
不過威力極大..
有機會造成秒殺(應該視龍耐性及防來訂..不肯定)
同樣..
落地時偷一刀吧..
呢招通常唔會後跳..
6.後跳
呢招好難用筆墨講出黎..
太難講了
要靠自己平時打番黎既經驗先估計到
熟練既話..
可以就番佢後跳既位儲三段..
不過通常儲左1 , 2段就要放..
除非佢另個頭黎望你..
亦要小心佢二連三段跳/三連三段跳..
不過我k左六十幾隻金獅..
呢兩招都系見過4,5次左右
7.自轉n度(忘了-.-)
攻擊力與光線相約(甚至更大!?)
同樣..
轉完夠時間就偷一刀吧..
8.撻底
無聊的一招
擋完後就攻擊吧..
想點打隨你..
不過我通常用橫斬就算.

攻擊模式大至上系禁多...
我都唔系好記得了..
至於雙刀方面..
只系提醒你d攻擊時機好了..
因為見個時間你都就快要出門口-.-
一開始不建議亂舞
因為應該忘左一兩刀就跳走..
有機會比攻擊到..(因為亂舞中無得停..但小弟好似暫時未試過呢種情況)
攻擊時機比較少..
1.六合拳後在肚底舞 (建議由屎忽碌入去,因為佢要轉身望你,唔會出招住.)
2.跳起放電球後肚底亂舞(系頭度碌入去吧 , 因為時間得好短)/舞頭(一定要計準時間-.-)
3.放電球光線舞身 / 同大劍一樣45度打頭

最後再講下爆角時機吧
大劍同雙刀主要爆角時機都系系光電球/光線果陣
大劍斬頭機會較多..
熟練既話可以系佢轉身果刻打頭--->碌走
雙刀既舞頭時間只有跳起放電球同電波(其他好難舞..一望到你食硬招)
不過爆角通常都要道具幫助..
建議3落1麻 (新手建議4麻 因為佢唔會郁 但系4麻系無可能爆曬兩隻)
由於放落穴佢會郁黎郁去..
比較難打
但系我都有個比較好既方法..(for 雙刀 , 呢排先岩岩用大劍打..有時佢中左落穴三段斬頭都會空刀)
佢個頭另右邊準備落黎果陣..(即屏幕左方準備落黎..)立刻施以亂舞..
該可食到7-8成既亂舞..
唔打禁多啦..
煮飯煮遲左成3個字= =
其他..
自己研究下啦

我一個人打用雪c弓打@@
開弓圍住隻金c逆時針行
最sm ge Z跳就打唔到自己
可以慢慢射死佢
慢就慢d...不過好安全

逆時針行好危險的說= = ...
不過用弓距離應該都離金獅好遠...