(唔介意既睇咗之前既回覆先寫回覆,唔係會有少少誤會,唔該囇^.^)
(一連串既回覆誤會-.-sor^^見到我寫錯野盡情插吧..不用俾面,係小弟既文筆嚴重有問題@@)
我對我自己親生爸爸有一種仇恨
來自佢以前對我做過既野
本來一D小事或者可以就此由它過去
但他卻給我傷害...而且不僅一次....
記得五歲左右
我俾佢打咗一次
記得喊咗一日
就原諒佢.....
到咗小四
我變得唔再係乖乖仔
我日日都去網吧打機
成績跌咗好多
佢罵咗幾句,歎一口氣
到第二日都可以好番
小五個年
阿媽染重病後住院出黎
要一手一腳搞掂屋企所有野仲要番工
佢卻一星期有三四晚冇番屋企
搞到罵離婚
阿媽阿爸和好後,阿爸都冇出咁多夜街
我都原諒咗佢以前不顧家庭....
到中一個年
我開始嘗試做番一個俾心機讀書既人
不斷想追番進度
於是夜晚都通宵讀
結果讀咗冇一個禮拜
我連放學番到屋企都唔夠精神
用咁既狀態過咗上學期第一次測驗
結果成績出黎得一科合格
佢罵我「你讀咩書架!」等等一堆野
我哭咗一日
繼續努力讀書,叫自己唔好放棄
仲有下學期既exam等緊自己
下學期既exam黎之前既一個月某一晚
我發夢夢見阿爸以前罵我「你讀咩書架!」個一次
半夜起咗身哭咗一晚
想不到...自己爸爸會成為自己夢魘......
我抱住傷心既態度(一星期有四五日受壓力影響都會哭)
繼續努力讀書
結果下學期既exam考完
我考全班第21名,哩D唔重要
重要係我至少可以升中二,至少我努力有少少成果
但...到中二
我發覺自己已經原諒唔到阿爸
我唔想同佢吵,所以每日同佢得一兩句
阿爸有罵過我做咩逃避佢
我冇答過佢,因為我清楚
哩一場架如果真係罵出黎
受苦既會係一個家庭
而唔再係一個人....
到而加我每日都只係同佢得一兩句
但係好唔開心
有時一諗起半夜哭果一次
就搞到自己又哭過
好想講出黎抒發一下.....

[ 本帖最後由 y6666662003 於 2008-10-12 20:54 編輯 ]

其實我同你既處境有ｄ似　只不過我由細到大都冇咩同老豆媽媽傾咩計
不過你成績可以由一科合格到全班２１名只係一年唔夠　對我黎講真係..
我點努力都好 都冇咩成績 目標全級150名 本來都做到既 一拉番平時分..
家庭方面真係唔多想理 我老豆啊媽嘈左成10年離婚 間唔中仲打交 我都已經慣
好似今年下學期數學大考前一晚 老豆同啊媽又打交 成晚冇訓 攪到數學差d肥 整體成績拉低哂到全年成績 下學期既成績完全將上學期既小小進步拉低埋
唉 兩年啦 讀左兩年 都未試過全部合格 有一次考到全部合格 平時分一拉肥左三科
你既然有能力讀書 就專心讀 屋企就唔好理啦 老豆肯話你都叫緊張你 仲要冇夾雜粗口=]
你老豆問你做咩逃避佢 證明佢仲當你係佢個仔 你唔應該將過去既事太介懷 想喊咪喊lo
ps:我半夜只有發惡夢@@

[ 本帖最後由 sda9992003 於 2008-7-13 20:25 編輯 ]

努力讀書唔係淨係俾你啊BA睇嫁MA`
努力讀書係為左自己既將來`搵到份好工`
你啊BA最多咪對多幾年`[唔係DIE的意思]
大個有能力`自己搬出黎住`
咪唔洗對住佢受氣囉`

引用:

原帖由 貓咪是也 於 2008-7-13 21:34 發表
努力讀書唔係淨係俾你啊BA睇嫁MA`
努力讀書係為左自己既將來`搵到份好工`
你啊BA最多咪對多幾年`[唔係DIE的意思]
大個有能力`自己搬出黎住`
咪唔洗對住佢受氣囉`

努力讀書@_@雖然本來我係講緊點可以放低仇恨
唔係講緊哩個topic,都可以講吓@@
我努力讀書當然唔止為我阿爸
一開始有重新努力讀書既念頭
係因為見到阿媽有幾辛苦
想讀番書,唔好成日掛住系網吧
咁樣就算我仲末能夠俾錢阿媽
至少都可以唔好令佢咁擔心....
到後來真正讀書我先諗到
讀書本來就係我既責任
就算我成績唔出眾,厭惓讀書
我亦一定要讀落去....(這是我目前既讀書諗法=.=)

引用:

原帖由 sda9992003於 2008-7-13 20:24 發表 [url=redirect.php?goto=findpost&pid=5964597&ptid=718826][/url]
其實我同你既處境有ｄ似　只不過我由細到大都冇咩同老豆媽媽傾咩計
不過你成績可以由一科合格到全班２１名只係一年唔夠　對我黎講真係..
我...

唔好放棄,我今年下學期成績出黎
數學拉咗平時分搞到差幾分先合格
張成績表仲係有幾個括號......(相比以前至少進步)
不過今年至少可以升得到中三
都算不幸中之大幸=.=
同你一樣未試過全科合格
不過我地仍然能夠堅持下去的
即使沒有天份,對嗎^_^
至於老豆話我,其實有夾雜粗口(驚寫出黎好似有D不雅@@)
話我叫做緊張我,唔係唔明白哩個道理
不過每當我諗起
我咁努力想補救成績
但卻被我自己阿爸罵我
冇鼓勵說話唔緊要
都唔好搞到我好似一D用都冇咁....
而加成績終於補救到少少
努力終於有回報
但每當諗到我自己阿爸就係一開始否認我努力成果既人
就原諒唔到佢......
講到想喊咪喊
其實我有陣時太過唔開心都會喊
至少俾自己發洩出黎舒服少少......
ps:你半夜只有發惡夢這麼好@@羨慕中~~

你呢d野....仇恨放5放得低係睇你自己的....仲有讀書難道係為佐你老豆??咁你無為自己打算過ka咩??就算你讀得叻又點??呢d係你讀書應份做ge事....如果你想真係放低仇恨....用心同你阿爸傾下..  好多事比你更慘......好像我咁...唉...唔好講我的事了...不想提....所以兩父子沒仇恨呢樣野的.....相信我.....其實你老豆很疼你的.......如果佢唔關心你...就唔會理你咁多野la...罵你都覺得哂氣la~~係5係~~~~~~~同你阿爸傾傾心事la~~~~~~~笑~~~~笑一笑~~沒什麼事過不了~~對不對?

引用:

原帖由 乂熊熊bear乂 於 2008-7-14 19:34 發表
你呢d野....仇恨放5放得低係睇你自己的....仲有讀書難道係為佐你老豆??咁你無為自己打算過ka咩??就算你讀得叻又點??呢d係你讀書應份做ge事....如果你想真係放低仇恨....用心同你阿爸傾下..  好多事比你更慘......好像 ...

唔想講多次,睇4樓回覆可以知道我讀書並非係為佐我老豆,一開始我努力讀書已經唔係為咗佢,我係絕絕對對為咗自己能夠改過先開始努力讀書既,唔係為咗佢@@
至於你話讀書係應份做ge事,4樓回覆我都有寫,可以睇睇@@
用心同我阿爸傾下,其實我都想
我嘗試過叫自己同佢傾
但係我系開口之前
我諗起咗佢帶俾我既少少精神創傷
開唔到口....結果喊咗出黎
我冇辦法正面望住佢同佢講....(或者...係我既問題...但我真係想消除哩種障礙都唔得.....)
好多事比我更慘嗎....
我承認,我唔係講緊自己好慘
但係哩種事就好似幫一個讀寫障礙既人重復信心咁
係有一定難度去克服佢既.....
講起慘事,雖然唔係好願意提起
不過,我生命唔係咁單純架......
講多一件事俾你聽(額外既...)
其實系我小學仲係日日打機既時候
我亦失去咗一D比較重要既野---我既老師---余其昌
佢既野你睇吓我加果個鏈結你會好清楚發生D乜....
佢死前一日,有同我單獨傾過計
記得果次見到佢係五樓望住地下,好沮喪既樣
如果我自己個陣唔係一日到黑諗住打機
我就至少有可能同佢傾下,開解一下佢
但係佢都死咗,我再冇機會可以同佢道歉,
道歉我小學既時候未懂得珍惜
道歉我小學既時候根本冇好好留心聽書....
更甚的,我恨我自己以前又打機又打架既生活......
咁當然,或者你會認為唔係好慘
但我既生命有一小段是因為他而改變的......

比d勇氣自己la......呢d事一定要面對的...還有...我來不是為你鬥慘的....明白沒??
你知道嗎??我6歲開始早就沒老豆....我娘親跟另一個人結婚..我也跟了去...6歲開始..日日都比我艾也老豆打...十年都這樣....結果到了我16歲我給我艾也老豆趕了出街....這時我沒人幫...我沒家的時候...侮天都是訓公園...汁東西吃...你試過嗎??咁多年來..病都沒人理...生日沒人記得...笑..慘??你試過因給老豆打到訓醫院未???還要不可講比人知....因為咁樣反而會害我阿媽比佢打...我可以點做丫?知我過去的事d人成日都可憐我...我唔需要呢d可憐...比人知道我d過去..不是想人可憐我...只是我敢於去面對...所以先敢講出黎...你明白無??但係我都無為呢d無聊事唔高興...反而努力工作...到了e家..我有自己屋企..一個人住開開心心...做什麼事都要勇氣的....逃避沒用的....還有過去的時不是不要諗...但成日諗會害自己而已....所以不開心的事最好不要再想....社會就係咁黑暗的...如果你沒能力去對抗...咁你將會比這個社會吞噬...記住....有事不要逃避...給自己勇氣.我都好希望可以同我親生老豆吵下..你有親阿爸...已經是幸福的了..是你自己不知道而已....笑~~笑多點la你..好似我咁~~~開心唔開心都要笑笑口~~~~因為自己唔開心都好~~都唔可以令周圍d 人唔開心的~~~我會支持你的..勇敢同你阿爸傾下la..其實你阿爸...自己佢都好辛苦的了...佢為什麼要罵你...他因為關心你而已~~~我都想有家人關心~~笑~~~努力你老師的事..因為我係澳門人..我唔知..不過好似有聽聞....這就是社會的壓力了....所以你阿爸跟你老師一樣...都有壓力的...不過受到的是不同的壓力而已....其實咩人都會有煩惱..仇恨..各感情的...呢d就係上天送給人類的禮物...如果沒任何感情的話....咁全人類沒什麼分別了~~所以要看個人諗法...有d人樂觀去面對..反而有d人會去失敗方面去諗...

[ 本帖最後由 乂熊熊bear乂 於 2008-7-15 15:35 編輯 ]

引用:

原帖由 乂熊熊bear乂 於 2008-7-15 15:15 發表
比d勇氣自己la......呢d事一定要面對的...還有...我來不是為你鬥慘的....明白沒??
你知道嗎??我6歲開始早就沒老豆....我娘親跟另一個人結婚..我也跟了去...6歲開始..日日都比我艾也老豆打...十年都這樣....結果到了 ...

當然唔係同你鬥慘@@只係純屬分享
冇比較意思@@始終有D野講出黎可以舒服D......
開心唔開心都要笑笑口...
令我想起了某某我認識既人
以前無論點見親佢都係笑住
不過試過有一日佢突然喊出黎
話有D野壓抑系心入面太辛苦,忍唔住...
人系開心既時候就應該笑,唔開心既時候就唔應該逼自己笑
唔開心逼自己笑會將人既負面情緒暫時收藏系內心
會有爆發既一日,除非自己有方法笑住口之餘仲有地方俾自己發洩
唔係會增加患上心理病既危機......
「咩人都會有煩惱..仇恨..各感情的...
我阿爸跟我老師一樣都有壓力,不過受到的是不同的壓力而已....」
正如你所說,咩人都會有各感情的
我阿爸--關心我,我老師--受壓力影響諗唔通
而我--受過去既事影響仲未諗通@@
勇敢同我阿爸傾下
等於「因為自己唔開心都好~~都唔可以令周圍d 人唔開心的」哩句
情願佢令我唔開心既野自己一個唔開心,都唔想令周圍家人唔開心的
當然,日日同佢得一兩句唔係正確做法
但可以令唔開心既傷害範圍縮窄......