今年又係有條件升班　升ｆ．３
今年係比上年進步左少少
但係都係係全級尾４０左右
雖然做人唔應該回望
但係見到我ｄ小學係第間學校讀到上精英班
小學果陣我次次都高排名過佢 次次都全級40名內
而家最勁都尾40..係屋企 啊媽日日話我讀唔上 又咩又咩 又話要補習
我真係唔想補 之前又唔係冇補過 唔覺有咩用
我唔明 果陣入英中好開心 而家回望 冇野講
感覺浪費兩年 升左中學仲學埋去網吧講粗口
感覺點讀都讀唔上 好亂 打既野都語無論次
真係好灰 完全係讀唔上 最自豪既數學 上到中學 連佢問咩都唔明 想我點答!?
中文同中史 得呢兩科可以入到全級頭80名既科目 其他科唔係炒左就尾幾十
我本來好有自信 有明確目標 但係 呢兩年 咩目標我都記唔起  咩都沉哂
我而家咩都唔叻 樣又平凡 我可以做咩?我想入我最有興趣既電腦科
d人同我講 你冇80名內都冇機會 大佬 差成差唔多100名 想我點!?
下年f.3 我可以做咩 我甚至連而家我要做咩都唔知
前路茫茫 突然記起首詩:
身心俱冰泠
行者前路難
不知前路如何
日月無光奈何

[ 本帖最後由 sda9992003 於 2008-7-12 21:58 編輯 ]

朋友 ..

啊媽日日話我讀唔上 又咩又咩 又話要補習 我真係唔想補
你也說不想補習
咁你應該考好一些麻
考得好自然就有信心吧(?)
有信心做野也爽快一些
下年中三考試要加油哦
如果唔係又好似你話感覺浪費兩年

[ 本帖最後由 intheenD 於 2008-7-13 00:14 編輯 ]

雖然我都只係個F.1仔`
但係你既然入到英中`
咁你就有一定既實力啦`要俾D自信自己`
你係有能力有實力先可以入到呢間中學`
新一年`上堂要留番心`平時睇番下D書`
同自己再諗番D TARGET`
唔好俾自己沈番去啦`
世界上冇不勞而獲`你努力既時候`個個人都努力緊的`
要俾心機`貓咪撐你!!

樓主...你讀書成績關過樣咩事= =?還有...是你開始因為周圍的原因..令你開始沒自信...你朋友比你成績好又點??你之前好過佢又點??佢成績好係因為佢努力過...難道唔努力就可以成績好咩?
不要因過去的成就...而害你e家沒自信...你應該要咁諗...你要追過佢....加上..記住一樣野...人比人...比死人而已....你阿媽...成日煩你都係為你好而已...好過我...阿媽唔煩我...我應該很開心..但不過覺得...小佐一點家族溫暖....所以...任何事...不要同人比..只會害自己..相反如果你拿佢做目標就不同講法了....還有你補習完之後掂5掂..係睇你理解情況而已....記住..比自己多d信心...人沒有任何野做唔到的....你別忘了人類是萬物之靈耶~~~笑~~~你成績問題就去努力..別再去玩了..只會害了你....因為我因玩而失去學業...所以很後悔....不過後悔都沒用..所以我e家好努力咁工作呢...所以你不可以放棄自己的....別管人地點睇...你只要問心無愧...覺得自己有努力過就行了...不過最重要是你有沒有用心去努力而已....又係果句la~~~笑一笑~~有什麼事過不了??樂觀d~~加油吧~~~(P.S 不過最重要...有時候別給自己太大壓力...壓力會令你迷失方向的..你自己好好諗下..找尋反你個目標)OK?~笑~~有咩事我會留意你族板~~有咩唔開心~~留言~~我會努力幫你解答的~~~

[ 本帖最後由 乂熊熊bear乂 於 2008-7-15 18:28 編輯 ]

樓主，
我跟你有過同樣的經驗，
但我亦很努力地捱過去了。
我升上Ｆ３的時候，
很辛苦才升到班。
我Ｆ３的時候，
不只是成績方面有問題，
連人際關係方面都出了很大問題。
幸好我Ｆ４的時候，
與同學的關係變好了，
可能是因為少了一樣煩惱，
所以自己比Ｆ３的時候更有心機讀書，
很容易便升了班。
樓主，
你話你的樣子很平凡是什麼意思？？
難道你很想拍拖？
如果是的話，
我勸樓主快點放下這個煩惱，
用心一點讀書，
我想你一定可以考到好成績。
趁暑假就應該好好預習一下，
否則開學的時候變得亂成一團，
這樣的話想拿好成績就很難了。
請樓主注意一點：小學跟中學是兩個不同的階段，不能相提並論。

不過，
如果樓主如果已經放棄讀書升學這個念頭，
我想沒有人能夠讓樓主繼續讀書。
樓主一定要好好地升學，
朝著自己的興趣出發，
否則將來才來後悔便太遲了。
希望樓主好好利用餘下的時間，
過一個充實的暑假∼

[ 本帖最後由 chiyahoya 於 2008-7-31 21:04 編輯 ]

其實我都係有d~灰心....會考得個d~分...真係自己知自己事....我想讀設計但係要10-12先in 到....前途一片灰暗~夢想遙遠....~

個暑期仲有咁長= ="
你認真的話實夠時間讀番哂d野~唔識問人又唔洗死既

以個人為例~我中4成年都係玩~全班都係尾幾個d吧~
band1學校~仲要係唯一既理科班~入到已經出奇~跟本冇諗過升
但係之後因為某d原因~係新年之後就由中4 d野重新讀番~
放假的話每日用上12~14小時黎溫~
最勁個陣試個趕電腦分course work ~連續4日~每日訓2個鐘only
日日放學都留係學校問呀sir野~之後番屋企食野~又去自修室死過
到最後係mock度拎左全班13名~都升左成20名

講真~你肯讀就一定會有進步
問題其實係你度~自問~你有冇盡過力?
講粗口去網吧學壞跟本係籍口~
講壞分分鐘你唔夠我黎~
考試前一日個個都會去溫書~我就可以無視其他人自己一個去網吧
所以你應該好好努力!只係話灰話冇可能~連試都唔試既話
你不如直接唔好讀~唔好哂納稅人d錢吧

我呢條友可以係3個月溫哂中4,中5既所有野
係一間band 1中學既理科班中升成20名

我就唔信成年時間唔夠溫哂中1-中3 d野
而且仲有成個暑假比你用~最小中1 d野實搞得哂

如果唔得既話搵私人補習吧!
除非連你都睇死自己~唔係既話實得!

有一年時間,您有心機去追的話,一定無問題

首先,每朝返學一定要食早餐,因為咁先有力氣上堂

上堂既時候,盡量唔好講野

有咩唔明,落堂即刻,最好在家中先備課

放學回家複習一下當天教過的東西

持之以恆,一定有所進步

樓主
初中ge課程其實比高中ge易好多
溫書都比較容易
當年我升左中4
有少少唔習慣中4ge課程
雖然唔係大炒
不過都係要留級
而且果年我都係個成日去網bar ge中學生
又唔識去控制時間
到左之後升左中5
雖然都係未改到一溫書就眼訓ge壞習慣
但係會考都可以拎到11分
都叫做有d交代
仲有聽樓主講話對數學好自豪
咁點解唔去做多d呢??
我自己都好中意數學
上數學同A.Maths堂ge時候都會不停咁做數
只係堂上做就我已經可以會考數學拎到C
相信樓主唔會比我差
而且我同樓主一樣讀英中
發覺讀英中真係好好
而家我升上副學士
之前讀先修班有好多同學係中中出黎
英文可以差到一個由3個英文字母組成ge英文都讀錯
你可以試想下你已經比別人多左一個優勢

p.s.
如果有數唔明可以問下我ga
雖然唔係好叻
不過正所謂"教學雙長"呀ma~~