[其他] 辯論技巧[更新@29/4]

我雖然好似無咩點樣出現過，但係我可以見到呢一個版由無咩人玩，至到依家有咁多人一齊打debate， 其中又可以見到不少辯論人才，我真的非常開心，為左令更多人可以與人一起打debate，故此我開左呢 一個帖黎教下大家一d基本的debate知識。

終於考完試啦，有番時間整番呢一個帖。(29/4)

1.其實大家可以在每一次支持自已既論點或反駁對方的論點果時，可以用一d比喻既技巧，將對方既論點 變到好似天馬行空咁，
例如︰先前正方提出說 [只靠背誦根本不可能跟得上這個資訊[爆棚]的世界最重要的是理解和思考by yaukapoqoo]，
呢一個程況就好似你做數學一樣，如果你唔知道公式，亦無背到佢，咁你又點計到一個正確既答案呢? 舉出既例最好淺白易明，
係日常生活都可以見到，最好就係一d連小學生都知既事，咁就算係一個好既 例子。

2.提出自己既論點既時候，最好就有一d相近己知係正確的事或已知是錯既事黎證明自己的論點，呢一 方法同舉例好似，所以就
唔講咁多。

3.大家最好就係喺每次總結既時候，都加番一句︰基於以上的原因所以我方認為今次既辯題係絕對不成 立/成立的。雖好似無咩
用，但係就可以令人明確地知道頭先所講既野係為左咩而出現的。

4.每一次反駁人地既論點果時，最好就重申自已的論點。
例︰雖然正/反方的說話好有道理，但係正/反方 就好似唔記得左我方先前所說的論點.........................。 咁樣不單可以令人回憶起
自方的論點，仲可以比到其他人一個印象就係正/反方無記性。

5.有時，你會發覺到對方既論點好好拆，全部拆曬都無問題，但係你要小心，就係如果你想拆曬對方既論點，就唔好比佢地有機
會反駁，因為如果你扑曬對方既論點，又拆唔曬，咁就會比人覺得你係諗都無諗就亂黎，質素就會下降。所以大家最好唔好一次
過拆曬對方既論點，最好深入研究一個，或一個個咁拆，因為你若果一個唔成功，都有條後路比你講落去。




最後，呢一個帖係會更新既，希望大家可以繼續支持辯論大會。



Thx

[ 本帖最後由 [KTF]KYF 於 2008-5-2 21:09 編輯 ]