事緣係咁既...

我一年前 我同哥哥關係一直都好好...無乜大問題
有一日 佢叫我陪佢一齊玩MonsterHunter 初初仲叫埋堂哥 一齊係我地屋企度玩
一日起碼12-15個小時
問題開始 我地係隻遊戲度出現問題 (我做乜野都好認真 包括 玩)
咁佢成日要我地成班等佢一個 之後有一次我就發脾氣 講左一句粗口
佢突然話 你試下再講多次 信唔信我一拳打落你返面度丫
之後我就好炆返左入房 訓教...
跟住九個月左右都無傾過一句計
直到有一日 佢女朋友叫我一齊去日本 (佢女朋友一向住係我地屋企 對我仲唔差添)
又就黎到新年 跟佢地去買一兩套衫返黎都好丫
咁去到日本初初3日都好好 而且我同我哥哥既關係 都變返做有傾有講...
但係原來問題就係呢3日慢慢發生
行緊名牌Shop 我問佢衫既意見 佢都話ok 可以買 我以為佢真心啦
點知 食飯個陣 佢叫我快d用哂d錢 再碌卡 唔夠錢 就借比我 (心諗: 下 咩意思)
原來佢話借幾多 返到香港問返阿媽拎返 仲要計返匯率 (我最尊重既人就係我爸爸媽媽 佢講得出呢樣野 勁hurt)
搵自己爸爸媽媽著數lor 咩人黎咖 淨係對自己女朋友好 (心諗 : 爸爸 媽媽 咁辛苦養大你就係比你大個左 比你搵佢著數?)
每一日我都有買到我想要既野 但係我對鞋經常甩鞋帶 咁我只係想佢幫我拎一陣
佢竟然同我講左句 我咁重 又唔見你幫我拎一陣... 咁我唯有搵個位放低 再綁返好佢
但係竟然唔等我 佢地兩個走左去 我第一次自由行去日本咋 你地當我好熟路咩... 地圖仲要係佢地度..
好啦 我唯有跑返上去 追佢地 哥哥又發埋大少爺脾氣 我又被迫受氣
咁算啦 過左3日喇 仲有2日要留係日本姐
以為我同佢女朋友都有傾有講 咁同佢傾下計都ok既...
點知 原來我哥哥仲好過佢女朋友 起碼佢都會發脾氣 講出原因
佢女朋友假到出汁 係我地兩兄弟面前扮好人 係我地背後 係咁講對方壞話 (俗語 : 對人說人話 對鬼說鬼話)
哇 我真係覺得好難受 呢5日期間 佢地既粗口 如流水般爆發 聽到我想死 (我會講 但係唔會每句入面都加插一兩個)
返到香港 佢地兩個仲要係爸爸媽媽面前扮係日本同我玩得好開心 (心諗 : Sorry lor 1d都唔覺)

我開始變得愈黎愈迷茫 我應該點做?
當返佢係我阿哥 定係 朝見口晚見面既陌路人....

[ 本帖最後由 無零＊兩可 於 2008-1-21 19:36 編輯 ]

話晒都係你呀哥...

你末忍下佢囉...

忍唔到既末講比老豆知囉..

再唔係當面罵佢....

講晒佢同佢條菜D衰野出黎...

唔洗比面

佢地咁可以對你...

你末咁對返佢囉=.=

不過要有大人係到先=.=

費晒比人野=.=''

我有同過爸爸媽媽講過...
佢地都係話 話哂都係你親生哥哥 咪忍下佢
哇 佢愈黎愈過份阿 佢係爸爸媽媽面前扮哂野咁 事實唔係lor
唔怪得佢無朋友 賤到喊丫佢

樓主和你哥的年齡是多少..?
這很重要的~
我都有個丫哥~
細個都會打下交..大個就無
我只覺得,兄弟如手足
如果遇到事,始終槍頭都會對外....

6125你搞好自己先啦
咁得閒理人地d野

你可以係你呀老豆面前同你呀哥講你你心低話~睇下佢會唔會理解囉...

你應該心平氣和咁同佢講
得閒又同你屋企人講下

你地講緊野我都做過哂-.-
心平氣和同佢講 佢當你吹水
同爸爸媽媽講 佢地叫你忍下佢...
可以點-_-"

其實做好自己最緊要, 我想你如果想改善關係既話就要主動d, 有咩開心既野咪同佢講下囉, 得閒咪搵下話題講, 係報紙, 係網上, 一定有既, 如果唔理你咪尤佢, 起碼你真係講左出聲, 好過大家唔講野,  但千其唔好講d唔滿意既野或批評佢, 有d野係要忍既, 忍唔到你可以點做丫? 大家都係兄弟, 大不了咪唔講野囉, 係咪?!
冇溝通係一大弊病,  尊重亦好重要, 你唔理佢佢唔理你相反亦是, 在不久將來就不會有"兄弟"這兩個字出現了, 大家都相處咁多年可必因為不服誰而反目, 兄弟不和呢.
我知問題出自佢到, 係佢將關係惡化的, 你不要指意佢有咩行動做好, 不要因為覺得屈就自己才去做, 此終都要有人行第一步, 努力和他打好關係吧, 因為這刻最關鍵, 我不信說十句好話不會沒一句好的回報對代喔!