4月,我番工第一日。識左一個男仔~佢付責教我做野既。

之後慢慢相處落黎~佢鍾意左我~

但我知道我自己唔鍾意佢~只當佢係丫哥咁,,

係果段其間~我一直好驚好驚佢會同我表白~

終於係7月~佢叫我做佢女朋友~

我...我...我唔知點算好...

但係最尾都應成左丫><

我初戀黎架..

之後同d fd講番~

佢地話我係唔忍心拒絕佢~

因為個男仔真係好好人架~

又孝順~對我又好~做事又認真~又溫柔....

但我都唔知點解就係唔鍾意佢~

d同事知道我同佢拍拖個個都睇好我地架~

我覺得好對佢唔住丫...><

佢對我咁好..但我就好似呃佢咁~

我想回復單身生活丫..

但係又驚傷佢心...

點算?點算?有冇人可以教下我點做?我係咪好衰?

-------------------------------------------------------------------------------------------------

近日~態度對佢冷淡左...

佢係電話度問我...

「你...係咪覺得我好煩?」

我...叫佢唔洗為我做咁多野

好多野都唔係佢必定要做既..

我都好想試下鍾意佢~

點解我會唔鍾意佢呢...?

同埋好多謝你地既意見~感激不盡><..

[ 本帖最後由 傷心人 於 2007-8-7 15:03 編輯 ]

你係好人..我配唔起你 =.=咁就攪掂
不過分左手之後可能會係公司同佢難相處D

如果佢真係咁好
再見都係朋友姐
分手後係公司都應該冇問題既
有時佢對你好,,又中意你
但你唔中意佢就唔好勉強la
到頭來都係分手收場

要知道你們只是剛開始
等佢愛你太深既時後
你想飛佢一定會令佢好hurt
但你現在飛佢的話又太快
佢會仲hurt
因為佢會諗你地都冇開始過就分手 !!!點解. . . . . .
你就試下接受下佢 lo
如果真係唔得咪飛 lo
因為已勁開始左
或者你唔怕係公司面左左又或者佢hurt的話
直接D 講分手 lo
以上只係個人既意見

佢係男仔 唔會受傷 如果受傷 你更加唔好中2佢
你覺得一直同佢一齊 佢會開心 下話
如果佢真係中2你 咁你開心佢都滿足 唔洗理佢有冇傷 只要你開心就對得住佢

如果佢真係你講得甘好，
我覺得你應該賞試下接受佢、愛佢，
因為講真，好男人、好女人係呢個世界已剩無所幾，
遇到好既就要把握機會....
否則，第日你實會後悔......

引用:

原帖由 d99f44 於 2007-8-6 13:53 發表
佢係男仔 唔會受傷 如果受傷 你更加唔好中2佢
你覺得一直同佢一齊 佢會開心 下話
如果佢真係中2你 咁你開心佢都滿足 唔洗理佢有冇傷 只要你開心就對得住佢

你咁講又唔岩啵
男人係會受傷的，也會傷心的
男人都係生物，生物必然會受傷
男仔受傷唔係樣衰而係感性(e句野好正)
樓主你既然好想試下鍾意佢的話就嘗試 la
要記往感情係要陪養的
唔好第一句就話唔鐘意
祝你得到幸福 la

[ 本帖最後由 harry20092006 於 2007-8-22 14:29 編輯 ]

雖然話就話現在的好男人不多
但現在很多女性也要求講FEEL
比佢知道你根本無鍾意過佢又要同佢一齊,佢知道會點諗?
愛情不是同情,愛情還是決絕一點比較好
3個月你只係當佢哥哥...
唔鍾意就直接D吧...當好人不如當一個壞人
唔好拖人地時間~可能大家會找到更好的
對你好唔一定要一齊,係人都知付出唔一定有回報,愛情黎講
希望越大,失望越大...我諗依家都幾合適黎講佢

女: 勉強冇幸福
男: 長痛不如短痛

拖到個時先分手連朋友都冇得做...!

唔緊要...分手咪分手囉,再見亦是朋友,佢做唔到你男朋友都可以做你嘅...好朋友架嗎!(同佢講...分左手之後我地一樣可以去行街、睇戲、食飯!)呢啲野唔係淨係要係你嘅男女朋友先做得架嗎!(我就認為咁講...佢應該無咁傷心!)